कोही मेरो

आज शुक्रबार काठमाडौं उपत्यकालगायत नेपालभर एकसाथ सार्वजनिक हुन लागेको चलचित्र 'कोही मेरो'का निर्देशक आलोक नेम्वाङ हुन् । म्युजिक भिडियो निर्देशनपछि दुई वर्षअघि चलचित्र 'सानो संसार'मार्फत चलचित्र निर्देशन क्षेत्रमा  आएका आलोकको निर्देशनको यो दोस्रो चलचित्र हो । चलचित्रमा चार जना साथी छन् अभी, आश्ना, प्रयास र दिव्या । आश्ना र प्रयासबीच पुरानो चिनाजान हुन्छ, तर अभीकै कारण उनीहरू अलग हुन्छन् । अभी एउटा यस्तो चरित्र हुन्छ,  जो मित्रतामा पनि महत्त्वकांक्षा रोज्छ । समयचक्रसँगै एउटा यस्तो अवस्थाकोसिर्जना हुन्छ, प्रेम पाउन उसलाई मित्रताकै सहारा चाहिन्छ । आश्ना भने परिवार र समाजले सही मानेको कार्य गर्न रुचाउँछिन् । प्रेम भन्ने कुरा परिवार र  समाजभन्दा माथिल्लो दर्जामा हुन्छ भन्ने कुरा उनलाई बुझाउनुपर्ने हुन्छ । प्रेमले त्याग माग्छ, चलचित्रको रिल घुम्दै जाँदा यो कुरा यी चारै जनाले थाहा पाउँछन् । जोमसोम, चितवन, पोखरा तथा काठमाडौंका दृश्यलाई मनमोहक ढंगबाट  खिचिएको एवं नयाँ पुस्ताले रुचाउने प्रविधि अपनाइएकाले पनि यो चलचित्रलाई बहुप्रतिक्षित चलचित्र मानिएको छ ।
मुभिज डटकमको निर्माणमा राजेश बंशल प्रस्तुतकर्ता रहेको चलचित्र 'कोही मेरो'मा सुरेश अधिकारी, वसन्त सापकोटा तथा सुरेश राईको संगीत सुन्न पाइन्छ । आर्यन सिग्देल, झरना बज्राचार्य, सुवास थापा, सञ्चिता लुइूटेल, दिनेश शर्मा,  राधा लम्साल 'भावु', तृप्ति नाडकर आदि कलाकारले मुख्य भूमिका निर्वाह गरेको यो चलचित्रमा राजुविक्रम थापाले छायांकन, प्रवीण अधिकारीले कथा-पटकथा लेखन तथा सुबोध श्रेष्ठ र प्रकाश तुलाधरले सम्पादन कार्य गरेका छन् ।  चलचित्रका निर्माता सुरज वंशल 'जितु' हुन् ।

फस्टलभ

आज शुक्रबारदेखि नेपालका दर्जनौं सहरका अधिकांश चलचित्र भवनबाट एकसाथ सार्वजनिक हुने चलचित्र 'फस्टलभ' कलेज जीवनको प्रेमकथामा आधारित छ । प्रस्तुतकर्ता माधव वाग्लेको कथामा प्रचण्ड श्रेष्ठले पटकथा एवं संवाद तयार पारेको यो चलचित्रमा दुई किसिमको प्रेमकथा हेर्न पाइन्छ । एउटा कथा त्रिकोणात्मक प्रेममा आधारित छ भने अर्को रहस्यमय प्रेमकथा पनि समावेश छ । चलचित्रको कथाअनुसार आयुष चञ्चले मन भएको युवक हो । उसको अवधारणामा प्रेम एकपटक मात्र हुँदैन, धेरै पटक हुन्छ र ऊ प्रेमलाई खेलका रूपमा वर्णन गर्छ । आभा आफ्नो जीवनको पहिलो प्रेमलाई सफल बनाउने प्रयासमा हुन्छिन् । उनको अवधारणामा प्रेम पटक-पटक नहुन सक्छ । उनी चञ्चले आयुषलाई मन पराउँछिन् ।

कानुन

चलचित्रको शीर्षकबाटै स्पष्ट हुन्छ, आज शुक्रबार सार्वजनिक हुने चलचित्र 'कानुन' मा कानुनकै कुरा गरिएको छ । यो चलचित्रमा कानुनको पालना गर्ने तथा कानुनको उल्लंघन गर्नेबीचको द्वन्द्व छ । करिब दुई वर्षअघि निर्माण भएको चलचित्र 'कानुन' को लेखक तथा निर्देश्ाक उदय सुब्बा हुन् । चलचित्रमा राजेश हमाल तथा निखिल उप्रेतीको मुख्य भूमिका भएपछि दर्शकले द्वन्द्वका दृश्य नै हेर्न चाहन्छन् । यो कुरा निर्देश्ाक सुब्बाले बुझेकाले नै होला, द्वन्द्व निर्देश्ाक एनबी महर्जनले द्वन्द्वका दृश्यमा प्रशस्त मेहनत गरेका छन् । चलचित्रमा राजेश हमाल कैदीका रूपमा देखिन्छन् । चलचित्रमा एउटा नेताले एउटा सोझो युवालाई कसरी आतंककारी बन्न बाध्य तुल्याउँछ भन्ने यथार्थलाई पनि चित्रण गरिएको छ । चलचित्रमा एकातिर राजनैतिक दाउपेचहरू समावेश छन् भने अर्कातिर प्रेम-प्रसंग पनि जोडिएको छ ।

प्रत्यक्ष प्रशारणको दाउमा अपिल्

महान नेता मदन भण्डारीको हत्या हो या भवितव्य भन्ने बिषयमा तयार भएको चलचित्र 'दासढुङ्गा'को प्रीमियरको प्रत्यक्ष प्रशारणको तयारिमा रहेको निर्माता अपिल बिष्टले जनाएका छन ।सँगको कुराकानिमा उनले मुख्य-मुख्य टेलिभिजन नेटवर्कबाट प्रत्यक्ष प्रशारणको लागि कुराकानी भैरहेको बताए । भाद्र महिनामा गरिने उक्त कार्यक्रममा देशका विशिष्ट व्यक्ती हरुको उपस्थिति रहने पनि उनले बताए ।

दाम्पत्य जीवनको भाकल पूजा गर्न संचिता काठमाडौंमा

नायक निखिल उप्रेतीसँग बिहे गरी मुम्बई बस्दै आएकी नायिका संचिता लुइँटेल आफ्नो दाम्पत्य जीवनको भाकल पूजा गर्न काठमाडौं आएकी छिन्। उनी निखिल र आफूले पशुपतिनाथको मन्दिरमा गरेको भाकलको पूजा गर्न र एउटा चलचित्रको डबिङ गर्न सोमबार काठमाडौं आएकी हुन्।
'हिजै पूजा गर्छु भनेको साउनको सोमबार भएकाले हिजो पूजा गर्न सकिएन' संचिताले भनिन्- भाकलको पूजा भएकोले धेरै समय लाग्छ। केही नभए पनि साढे दुई घण्टा लाग्छ। त्यसैले भीड नहुने दिन पारेर पूजा गर्दै छु। पुजारीले पर्सि समय दिनुहुन्छ कि निपर्सि दिनुहुन्छ। त्यसो त दम्पतीकै भाकल भएकाले संचिताले पूजा गर्नका लागि निखिललाई पनि साथमै लिएर आउन खोजेकी थिइन्। तर उहाँ आउनुभएन एक्लै पूजा गर्छु -संचिताले भनिन्। निखिल नआए पनि उनले निखिललाई छुवाएर पूजा सामग्री र अगरबत्ती उतैबाट ल्याएकी छिन्। पूजा सामान र बत्ती उहाँलाई छुवाएर ल्याएकी छु। यति भएपछि उहाँले पनि पूजा गरे सरह हुनेछ -उनले भनिन्- 'पोहोर सालको साउनमा पूजा गर्दा त निखिल उहाँका दिदीहरु फ्यामली सबैजना हुनुहुन्थ्यो। यसपालि एक्लै पूजामा हुन्छु।'read full story